O Día Mundial da Vida Silvestre celébrase no CMRM do Parque Natural de Corrubedo neste 2026 baixo o tema fundamental “Plantas medicinais e aromáticas: conservar a saúde, o patrimonio natural e os medios de subsistencia"
Todas as persoas dependen da vida silvestre e dos recursos derivados da diversidade para cubrir as súas necesidades, dende alimentos ata combustibles, medicinas, vivendas e roupa. Para gozar dos beneficios e a beleza que a natureza achega ás persoas e ao noso planeta, colaboramos para procurar que os ecosistemas poidan desenvolverse e que as especies de fauna e flora poidan existir para as xeracións futuras. Así que celebremos a vida silvestre e o traballo importante de conservación que se está levando a cabo en todo o mundo!
Toda a información sobre este dia, na web: https://wildlifeday.org/es
>> No Parque Natural Complexo dunar de Corrubedo e lagoas de Carregal e Vixán, aproveitamos a temática das plantas medicinais e aromáticas para crear un caderno de campo con algunhas destas plantas tan especiais, especies que dende o antigo formaron parte da vida das persoas, empregándose na alimentación, na saúde tradicional e mesmo na cultura popular.