Este ano dende Barbantea están organizando unha andaina aínda máis especial. E dinnos o seguinte:
"Queremos propoñervos ós centros educativos da nosa comarca unha proposta, unha idea, para poder ensinarlle ó mundo que a infancia e a xuventude do BARBANZA están a prol dunha sociedade máis aberta, máis inclusiva, máis
diversa, e máis libre. A idea que vos propoñemos dende BARBANTEA é que organicedes unha delegación ou representación da rapazada dos vosos centros. Qué se sumen a unha andaina que está feita por e para eles e elas, que lle digan á esta sociedade que os seus compañeiros e compañeiras autistas suman, que merecen o mesmo respeto e a mesma calidade de ensinanza que calquera outro neno e nena, que enriquecen o seu día a día, que son un elemento importante á hora de forxar un carácter máis aberto e inclusivo de cara ós futuros adultos e adultas.
Porque eles e elas son o mellor exemplo das persoas que están por vir, persoas libres para ser, pensar e sentir, para poder expresar as súas inquedanzas, os seus soños e ilusións, sen medo a que sean rexeitados porque ven a vida dunha maneira distinta.
Por iso, agradecemos moi sinceramente dende a Asociación de Trastornos do Espectro Autista do Barbanza - BARBANTEA, que lle deades a maiordifusión ó noso evento anual da ANDAINA DE CELEBRACIÓN DO DÍA DO AUTISMO que vai ter lugar o día 12 de abril ás 10:00 en Ribeira, no Parque García Bayón.
Parécenos sumamente importante que, sobre todo, os nosos nenos e nenas, os nosos/as adolescentes expresen alto e forte que queren unha sociedade no que todos e todas teñamos cabida."