Seguen os contos dos sábados no Centro Cultural Lustres Rivas e este sábado 20 de abril ímoslles achegar a obra de Shakespeare ás persoas máis pequenas da casa.
Isto si que vai ser incrible!! Shakespeare para nenos e nenas!!
“Os contos de William Shakespeare”. Pedras de Cartón
Narración oral e teatro de obxectos.
Data: sábado 20 de abril
Hora: 12.00 h
Lugar: Centro Cultural Lustres Rivas
Público de 3 a 12 anos coas súas familias
Inscricións: normalizacion@ribeira.gal
Pedras de cartón logo de ter recibido o Premio Barroco Infantil por Quixote no Festival Internacional de Teatro Clásico de Almagro crea este espectáculo de pequeno formato que mestura a comedia, teatro de obxectos e a narración oral.
Na función Juan Rodríguez fai un percorrido polas obras máis coñecidas do dramaturgo inglés, adaptadas para toda a familia e cunha linguaxe máis próxima. Deste xeito, abórdanse tres das pezas máis recoñecidas do autor: Romeo e Xulieta contada con teatro de obxectos, Otelo convertendo as personaxes da obra nunhas rechamantes e coloridas letras; e Hamlet, contado en clave de comedia a partir dun peculiar xogo no que ninguén pode gañar.