Este sábado 25 de maio ás 12.00 h tera lugar unha sesión de contos no Parque Periurbano de San Roque con Anxo Moure.
Parece que a chuvia vai dar unha tregua para a fin de semana e poderemos aproveitar, ás 12.00 h deste sábado, para pasear por San Roque e escoitar alí os contos. Ao vir de volta aínda chegamos a tempo para ir coller os nosos libros favoritos á Biblioteca Pública Municipal de Ribeira, a hora de peche nos sábados é ás 14.00 h.
“Zapatiños de cartón e a carta dos bosques”. Anxo Moure, o Carballo con Botas
Narración oral para toda a familia á sombra das árbores máis grandes de San Roque
Data: 25 de maio
Hora: 12.00 h (reunímonos na zona de aparcadoiro)
Lugar: Parque Periurbano de San Roque. Ribeira
Zapatiños de cartón é o avó do Carballo con Botas, dono dunha fábrica máxica na que nacen uns zapatiños de cartón cos que camiñar polos libros, polos bosques, polos ríos e sobre todo polo corazón das persoas que queremos.
Vémonos nos contos!