Este sábado 18 de outubro ás 12.00 h hai unha proposta para toda a familia no Centro Cultural Lustres Rivas de Ribeira
“Nube, nube, sol” de Teatro ao Cubo
Teatro para nenos e nenas de 0 a 12 anos coas súas familias
Sábado, 18 de outubro ás 12.00 h
Centro Cultural Lustres Rivas
Gratuíto... E haberá regaliños para todo o público!
As nubes chegan. Chove. Sae o sol. A natureza esperta para encherse de cores. Ó amparo dos paraugas atoparemos agocho, bailaremos, cantaremos, e acompañados de pintorescos animais seremos parte da mesma paisaxe. “Nube, nube, sol” métenos de cheo na diversión e na aprendizaxe de todo o que a choiva e o sol provocan na nosa contorna. A través do corpo, o xesto, o canto e a música, Teatro ao Cubo achega á infancia a maxia dos ciclos da natureza e a importancia da choiva para que todo medre.
Bebés, vinde ao Centro Cultural Lustres Rivas J! A obra é moi xestual, os nenos e as nenas de menos idade que asistan tamén comprenderán moi ben o que sucede no escenario.
Ao rematar a función a Biblioteca Municipal está aínda aberta e podemos ir coller os nosos libros favoritos.
Vémonos nos contos!