Bo día!
Con motivo da celebración do ?? Samaín, desde o Parque Natural Complexo dunar de Corrubedo e lagoas de Carregal e Vixán, queren convidarvos a participar en «O Camiño das Ánimas», unha xincana temática coa que poderedes gozar dunha experiencia diferente, chea de misterio, lendas e tradicións galegas.
Cando chega o Samaín, a liña que separa o mundo dos vivos do mundo dos mortos vólvese tan fina que as ánimas dos devanceiros poden regresar para visitar os seus antigos fogares. Pero este ano aconteceu algo estraño… Algunhas ánimas perderon o camiño mentres percorrían o Parque Natural e precisan axuda para regresar ao lugar que lles corresponde. Atrevédesvos a axudalas?
A través do Camiño das Ánimas, poderedes percorrer diferentes lugares do Parque Natural, resolver enigmas, descubrir pistas e superar misteriosas probas relacionadas coas lendas, as crenzas populares e as tradicións galegas arredor do Samaín e do tempo de Defuntos.
Haberá dúas opcións de percorrido, pensadas para diferentes idades e públicos:
Camiño da Praia: unha proposta dirixida ao público familiar, ideal para gozar desta aventura de Samaín en familia.
Camiño da Auga: unha experiencia pensada para o público adulto e a mocidade, con enigmas e misterios para poñer a proba a vosa capacidade de observación e resolución.
?? Cando? Sábado 31 de outubro (mañá 10:30 a 14:30 horas e tarde 16:00 a 18:00 horas) e domingo 1 de novembro (mañá 10:30 a 14:30 horas).
?? Onde? No Parque Natural, con inicio e final na Casa da Costa.
Equipo de Educación Ambiental
Parque Natural Complexo dunar de Corrubedo e lagoas de Carregal e Vixán
O Vilar, Carreira. 15967 Ribeira (A Coruña)
Tfno.: 881 867 645 | 647 415 462