ANPA Palmeira, asociación de nais e pais en Palmeira

Coñece a ANPA Palmeira

ANPA Palmeira somos unha asociación de pais e nais que traballan durante todo o ano, de forma voluntaria, para representar e defender os dereitos dos nosos fillos e dos propios pais e titores legais. Ademais, tamén nos encargamos de ofrecer servizos complementarios á oferta propia do colexio. Algúns dos servizos que ofrecemos son:

Banco de libros de texto
Actuacións e talleres con moita relevancia social
Viaxes e excursións lúdicas e culturais
Escola de familia
Descontos en tendas e outros establecementos para socios
Colaboracións con outras asociacións
Contamos con Seguro de Responsabilidade Civil e outro de Accidentes

Ver presentación

De que nos encargamos desde o ANPA?

Actividades extraescolares

Encargámonos de organizar un gran número de actividades extraescolares, podendo elixir entre idiomas, deportes... Ademais, moitas das nosas actividades están feitas para todo o mundo, polo que se o neno presenta necesidades especiais, sempre podedes consultar que actividades se poden adaptar a el.

Ver actividades

Comedor

Contamos cun servizo de comedor, dispoñible para todos os alumnos do colexio, e, ademais, en caso de ser socio do ANPA estarás cuberto polos nosos seguros. Este servizo está dispoñible todos os días entre as 14:00 e as 16:00. Dispoñemos de menús iguais para todos, menos para casos de alerxias, intolerancias... Onde contamos cun menú especial.

Ver normativa

Servizo de madrugadores

Para eses pais que teñen un horario que lle imposibilita conciliar a súa vida laboral coa familiar, poñemos á súa disposición o servizo de madrugadores, dispoñible todos os días lectivos do ano, desde as 7:00 ata as 9:00. Estarán atendidos por monitores e poderán estar na sala do comedor e tamén utilizar os baños.

Ver normativa

Mantente ao día de todas as novidades

4 Maio

Espectáculo infantil: Ler Conta Moito

Fai 13 horas Actividades fóra da escola

Bos días: No mes de abril o Centro Cultural Lustres Rivas énchese de contos para as nenas e os nenos, coas súas familias, que os queiran vir escoitar. Este sábado 12 de abril ás 12.00 h Raquel Queizás trae ao Lustres o seu espectáculo de narración e monicreques “Travesías”, vainos contar viaxes cheas de aventuras con nenas e mulleres bravas que loitaron contra os prexuízos para conseguir os seus soños. Travesías. Raquel Queizás. Ler Conta Moito Espectáculo de narración oral con obxectos e monicreques para nenos e nenas a partir de 3 anos coas súas familias Data: 12/04/2025 Hora: 12.00

28 Abr

Contacontos: O conto delas con Cris de Caldas

28/04/2025 Actividades fóra da escola

Este sábado seguen coas actividades para público infantil e familiar no Centro Cultural Lustres Rivas. “A conto delas”. Cris de Caldas. Ler Conta Moito 2025 Espectáculo de narración oral para nenos e nenas coas súa familias a partir de 3 anos. Data: 03/05/2025 Hora: 12.00 h Lugar: Centro Cultural Lustres Rivas Inscricións: normalizacion@ribeira.gal Entre risas e xiros inesperados, aparecen nenas, mulleres e vellas soas, por elección propia ou apartadas por non seguiren o camiño deseñado por outros. Elas contan con enxeño e moita retranca, ferramentas para seren protagonistas

24 Abr

Exposición de orquideas silvestres de Galicia no parque natural

24/04/2025 Actividades fóra da escola

O sábado 26 de abril, vai ter lugar na Casa da Costa (centro de recepción de visitantes do Parque Natural Complexo dunar de Corrubedo e lagoas de Carregal e Vixán), a inauguración da exposición Orquídeas Silvestres de Galicia de Ramón Carlos Encisa Fraga. A inauguración terá lugar as 17:30 na Casa da Costa onde contarán coa presenza do autor da imaxes e onde se realizará a visualización dun vídeo explicativo. Esta estará exposta dende o Sábado 26 de abril ao 1 de Xuño de 2025.

24 Abr

Música e contos con Vero Rilo e Luís Iglesias

24/04/2025 Actividades fóra da escola

Este sábado 26 de abril ás 12.00 h hai unha magnífica proposta para toda a familia no Lustres. Vero Rilo e Luís Iglesias veñen a Ribeira traeren unha magnífica actividade de dinamización do uso da lingua galega, música e contos cos que aprender novas palabras e novos ritmos que despois repetiremos na casa cos nosos nenos e as nosas nenas. Pelica de burra. Vero Rilo e Luís Iglesias FalaRedes 2025. Rede de Dinamización Lingüística Contacontos musical para nenos e nenas a partir de 3 anos coas súas familias Data: 26/04/2025 Hora: 12.00 h Lugar: Centro Cultural Lustres Rivas Inscrición:

2 Abr

Obradoiro infantil polo Día dás Artes Galegas

02/04/2025 Actividades fóra da escola

No mes de abril conmemórase do Día das Artes Galegas que neste ano honra a Isaac Díaz Pardo. En Ribeira comeza esta sentida homenaxe o sábado 5 de abril cun obradoiro para nenos e nenas a partir de 3 anos acompañados das súas familias. Imos coñecer a vida e obra de Isaac, e participar nun novo Laboratorio de Formas na súa honra pintando cerámica que levaremos para a casa. Pequeno Laboratorio de Formas. Electra Menéndez Para nenos e nenas de 3 anos en diante coas súas familias Sábado, 05/05/2025 12.00 h Centro Cultural Lustres Rivas de Ribeira Prazas limitadas. Inscricións no correo,

2 Abr

Repostería creativa: Spring flower pot cakes-in-a-cup

02/04/2025 Actividades de interese na escola

Chega outra edición de repostería creativa en inglés os días 9 e 10 de abril de 16:15 a 17:45 no salón de actos do cole. Non vola podedes perder, estará todo delicioso e a parte practicarán o speaking. Unha boa combinación. Anótate no teléfono da ANPA.

Faite socio e colabora co noso traballo

Se queres formar parte desta asociación podes facerte socio por 20 euros ao ano por familia, xa que os nosos principais fondos parten de dita cota, aínda que tamén pedimos subvencións á Deputación da Coruña e ás Consellerías da Xunta de Galicia.

Xunta directiva

Beatriz Pillado Pardavila - Presidenta
María Teresa López Barreiro - Vicepresidenta
Paloma Barreiro Cerqueiras - Secretaria
Alicia López Mayán - Tesoreira
Anxos Torrado Blanco - Vogal
Andrea Sieira Rivas - Vogal
María Benita Redondo Fernández - Vogal

Algunhas das actividades extraescolares que ofrecemos

Idiomas

Se queres que os teus fillos aprendan idiomas, dispoñemos de clases de inglés para infantil e primaria, tendo dous días de clase por semana. Ademais, tamén contamos con leccións de lingua de signos, neste caso para infantil, primaria e adultos, e ofrécese unha clase semanal.

Deportes

No caso de buscar actividades que impliquen máis movemento, dentro das nosas clases extraescolares ofrecemos leccións de kenpo karate, para infantil e para primaria e realízanse dous días á semana. Tamén ofrecemos unha clase semanal de parkour para infantil e primaria.

Asociación de Nais e Pais do CEIP Plurilingüe de Palmeira